ރިޕޯޓް ލިޔުން

ރައާރަފް:

2004 ވަނަ އަހަރު ރާޖެއަށް ކުތިމަތިވި ސުނާމީ ކާރިސާގައި ގިނަ ރަށް ތަކަކަށް ވަނީ ބޮޑެތި ގެއްލުން ތަކެއް ލިބިފައެވެ. އެގޮތުން ހއ.އިހަފަރު ފަޅަކީ މި ކާރިސާގައި ވަރަށް ބޮޑައް ގެއްލުންވެ ހަލާކުވެފައިވާ ފަޅެކެވެ.މިފަޅު މަރާމާތު ކުރުމަށް 2010 ޑިސެންބަރު 26 ވަނަ ދުވަހު ފަށާފައިވާއިރު ފަޅު މަރާމާތު ކުރުމުގެ މަސައްކަތް ހިނގަމުންދާގޮތާ ދޭތެރޭ ހިތްހަމަ ނުޖެހިގެން، އެރަށު ރަތްޔިތުން ނުކުމެވަނީ އެ މަސައްކަތް ހުއްޓުވާފައެވެ. މިއީ މިނިސްޓްރީ އޮފް ހައުސިންގެ ފަރާތުން މިކަން ހިނގާ ދިޔަގޮތް ރަނގަޅަށް ދިރާސާ ކުރުމަށްފަހު މީގެ ހައްލު ހޯދުމުގެ ގޮތުން ލިޔާރިޕޯޓެކެވެ.މި ރިޕޯޓް ބިނާވެފައި ވާނީ ރަށުގެ ހާލަތާއި، ރަށު ރަތްޔިތުންގެ ޝަކުވާއާއި މި މަސައްކަތް ކުރުމަށް ހަވާލު ކުރެވުނު ފަރާތުން ދެކޭގޮތް އަދި މި މައްސަލަ ހައްލުކުރުމަށް އެޅިދާނެ ފިޔަވަޅު 

ތަކުގެ މައްޗަށެވެ.

ރަށުގެ ހާލަތު:

މި ފަޅަކީ އިހަފަރުގައި އޮތް ހަމައެކަނި ފަޅަށް ވުމުގެ ސަބަބުން އެރަށުގެ ރަތްޔިތުންނަށް އެތަކެއް ދަތިތަކާ ވަނީ ކުރިމަތި ލާން ޖެހިފައެވެ.އެގޮތުން އެ ރަށު މަސް ވެރިންނަށާއި މުދާއުފުލާ ބޯޓު ފަހަރަށް މިކަމުގެ ސަބަބުން ދަތިތަކާ ކުރިމަތިވެއެވެ. ރަތްއިތުން ގަނެގެން ގެންނަ އަގުބޮޑެތިމުދަލަށް، ފަޅުތެރޭގައި އޮއެ ގަދަވުމުގެ ސަބަބުން،ބަނދަރަށް ބޭލުމުގެ ތެރޭގައި ބޮޑެތި ގެއްލުންތައް ލިބެމުންދެއެވެ.މީގެ އިތުރުންވެސް ފަޅުގެ ބޮޑުބައި ހަލާކުވުމުގެ ސަބަބުން ފަޅުތެރޭގައި އޮއެ ގަދަވުމުގެ ސަބަބުން ފަޅުގައި އަޅާފައިވާ އޮދި ދޯނި ފަހަރު ވަނީ ރަށުގެ އުތުރު ފަރާތައް ބަދަލު ކުރަން ޖެހިފައެވެ.މިކަން ކަމުގެ ސަބަބުން ރަށު ރަތްޔިތުން އަންނަނީ ޝަކުވާ ކުރަމުންނެވެ.

ރަތްޔިތުންގެ ޝަކުވާ:

ފުރަތަމަ އިހަފަރު ފަޅު ފުންކުރެވުނީ 1990 ވަނަ އަހަރު، ރަތްޔިތުންގެ މާލިއްޔަތުން ހަރަދުކޮށްގެން ރަތްޔިތުންގެ ބެލުމުގެ ދަށުންނެވެ.މޫސުމީ ބަދަލު ތަކާއި އުދައެރުމުގެ ސަބަބުން ފަޅަށް ބޮޑެތި ގެއްލުންތަކެއް ލިބުމުން ދެވަނަ ފަހަރަށް ފަޅު ފުންކުރުމުގެ މަސައްކަތް ކޮށްދީފައިވަނީ އެމް.ޖީ.ސީ އާއި ހަވާލުކުރެވި ސަރުކާރުގެ ބެލުމުގެ ދަށުންނެވެ.އެމް.ޖީ.ސީ ގެ ފަރާތުން މަސައްކަތް ކުރިއަށް ގެނަގޮސްފައިވަނީ ރަތްޔިތުންނާ ބައްދަލުކޮށް ރަތްޔިތުންގެ ލަފާ ހޯދާގެންނެވެ.ނަމަވެސް މިހާރު މިމަސައްކަތާ ހަވާލު ވެފައިވާ 'އުވަދޯނި ކޮންސްޓްރަކްޝަން' ގެ ފަރާތުން މިމަސައްކަތް ކުރިއަށް ގެންގޮސްފައި ވަނީ ރަށުގެ މަދަނީ ޖަމިއްޔާތަކާއި ރަށުގެ އެއްވެސް ކޮމެޓީއަކާއި މަޝްވަރާ ނުކޮށެވެ.މި ކޮންސްޓްރަކްޝަނުން މަސަައްކަތް ކުރިއަށް ގެންދިޔައީ ރަށު ކައުންސިލްގެ މަޝްވަރާގެ ދަށުންނެވެ.ނަމަވެސް މިކަންކަމާ ބެހޭ ގޮތުން ކައުންސިލްގެ ފަރާތުން ރަތްޔިތުންނާ އެއްވެސް ވާހަކައެއް ހިއްސާ ކޮށްފައި ނުވާތީ ރަތްޔިތުން މި ކަމާ ނުރުހުން ފާޅުކުރެއެވެ.

ރަށު ކައުންސިލުން ދެކެވަޑައިގަންނަވާ ގޮތް:

ރަށު ކައުންސިލުން ވިދާޅުވެފައި ވަނީ އެ ކައުންސިލްގެ  ފަރާތުން ގިނަ ފަހަރުތަކެއްގެ މަތިން ރަތްޔިތުންނާ މިމައްސަލަޔާ ބެހޭގޮތުން މިޝްވަރާކުރުމަށް އެއްގިފައިވާއިރު މި ކަމަށް އިޖާބަދީފައިވަނީ މަދުބައެއް ކަމުގައެވެ.އަދި ބައްދަލުވުންތަކަށް ހާޒިރުވާ ބޭފުޅުންނަށް ހިޔާލުފާޅު ކުރުމުގެ ފުރުސަތު ދިނުމުން ހިޔާލު ފާޅު ފާޅުކުރަނީ ފަތިފުށް ޖަމިއްތާއިން އެކަންޏެވެ.އަދި އެ ކައުންސިލް ގެ ބޭފުޅުން ވިދާޅުވަނީ އުވަދޯނި ކޮންސްޓްރަކްޝަން އިން މަސައްކަތް ކުރިއަށް ގެންދިޔައީ އެ ކައުންސިލްއާއި މަޝަވަރާ ކޮށްފައެވެ.ނަމަވެސް ރަރްޔިތުންގެ ފަރާތުން އެއްވެސް ބަޔަކު ބަނދަރުގެ މަސައްކަތާ ގުޅޭގޮތުން ކައުންސިލްގެ ހިޔާލެއް ހޯއްދަވަން ވަޑައިނުގަންނަވާކަމަށް ކައުންސިލްގެ ފަރާތުން މައުލޫމާތު ލިބުނެވެ.އެހެންކަމުން ރަށު ކައުންސިލުް ދެކެނީ މިއީ ރަތްޔިތުން އެހެން މަޤްސަދެއްގައި ކުރާކަމެއްގެ ގޮތުގައެވެ.

ހައްލު:

މި މައްސަލަ ތަހުޤީޤު ކުރުމުން އެނގިގެން ދަނީ މިކަމުގައި ރަތްޔިތުންނާއި، ރަށު ކައުންސިލް އަދި އުވަދޯނި ކޮންސްޓްރަކްޝަންގެ ވެސް އިހުމާލު މި ކަމުގައި ވާކަމެވެ.ކޮންސްޓްރަކްޝަން ޓީމް އިން މަސައްކަތް ކުރިއަށް ގެންދިޔައީ ރަތަޔިތުންނާ މަޝްވަރާ ނުކޮށެވެ. އަދި މި ޓީމުން ކައުންސިލްއާ މޝްވަރާކޮށްފައި ވާ އިރުވެސް އެ ކަމާބެހޭ މައުލޫމާތު ރަތްޔިތުންނަށް ދީފައެއް ނުވެއެވެ.ހަމަ މިޔާއެކު ބަނދަރުގެ މަސައްކަތާ ގުޅޭ އެއްވެސް މައުލޫމާތެއް ހޯދުމަށް ރަތްޔިތުން އެއްވެސް މަސައްކަތެއް ކޮށްފައެއް ނުވެއެވެ.އެހެންކަމުން މި މައްސަލަ ހައްލުކުރެވޭނީ މި ތިންފަރާތުންވެސް މަސައްކަތާމެދު ހިޔާލު ބަދަލުކޮށް މަޝްވަރާ ކޮށްގެންނެވެ.